Autor/-in: Jasmin Gerstmayr

A wengal wås zu Jasmin Gerstmayr: I bin im Mostviadl aufgwåchsn und leb jetzt scho seit mea ois fuchzehn Joahn in Wean, wo i ois Redaktörin bei am Medizin-Valåg oaweit. Studiat håb i "Biomedizinisches Ingenieurswesen" und "Molekulare Biotechnologie", außadem schliaß i gråd a dreijährige Ausbüdung in Craniosacraler Körpaoaweit å. Meine Dialektgedichte perform i seit a boa Joahrn in gaunz Österreich und i woa a scho bei Poetri-Släm-Meistaschåftn dabei. I håb scho in voi vü Anthologien und Litaraturzeitschriftn wås vaöffentlicht und sogoa ah moi an Sundapreis griagt (des woa da mundartHunderter 2022 vom Valåg unartproduktion). Außadem bin i Mitglied vo de feministischn Autorinnen (IGfem), de österreichischn Dialektautor:innen (ÖDA) und nu bei am aundan Autor:innen-Verein (GAV).