Autor/-in: Mars Klein

De Mars Klein ass gebuer den 8. 12. 48 zu Lëtzebuerg. En huet Litteratur- a Sprooch-Wëssenschaaft studéiert a war Enseignant am Lycée. Vun 1985 bis 1995 Attaché am Kultur-Ministère. Kulturpolitesch, historesch a litteraresch Artikelen huet en geschriwen fir Tageblatt, Lëtzebuerger Land, RTL an 100,7. Op der Keller-Bühn vum Neien Teater an der Stad huet en vun 1978 bis 1981 véier Solo-Kabarett-Programmer opgefouert. 2012 huet en mam Claude Mangen a Rudi Schubert de republikanesche Spektakel Adel braucht Tadel am Mierscher Kulturhaus gespillt, an 2016 op Tournée mam Véronique Kinnen, Sabine Rossbach a Rudi Schubert den humoristesche Programm Päerd sinn och nëmme Mënschen.