Bärner Bäre

U dä Bär turnet am Rägeboge u der Rägeboge het sech verboge u der Bär isch dervo gfloge u gfloge - u gfloge - u gfloge … Gsichtet het me ne z letscht z Bärn, z Seedorf, z Büre a der Aare, z Büetige, z Orvin, z Clavaleyres, de ume im Bärnbiet z Iffwiu, z Bäriswiu, z Auswiu, im Rohrbachgrabe, z Rüschegg, z Rütschele, de ume im Oberland z Zwöisimme, z Boutige, Rychebach im Kandertau, z Aeschi by Spiez, u de St. Galle, z Appezäu, z Grenzacht- Wyhle, z Nellinge, u de in Sachsen-Anhalt, de z Berlin u zletscht no Kalifornie, u de verliere sech syner Spure … Wo me ne aber gseh het, het me der Bär i ds Wappe zeichnet. Mängisch der ganz u mängisch nume d Bäretauppe.