Begägnigi u Gmüschter

Was wen äs Läbe oni Begägnigi. We ma wien ig cha zrugggschoue uf näs lengs Läbe, so sy mer d Begägnigi mit bsundere Mentsche öppis vam Wichtigschte. Mi cha zwar og wunderbari Beziehigi haa zu Tier ol zu Landschafte, aber nüt giit uber d Erfahrigi, wa ma im Zämehang mit Mentsche macht. Zur rächte Zyt de rächte Mentsche begägne (äs chöne og historischi Figure sy): Das han ig als äs grosses Glück erläbt un als ä grossi Berycherig empfunde. Würkligi Begägnigi sy Gschenk. Mi cha si nät verdiene, aber offe cha ma sy derfüür. In däm Buech wellt ig an äs par erläbte Gschichte ziige, wie wichtig fur mig ds Zämeträffe mit söttige Mentsche worden ischt u wie das mitgholfe het, mig zun däm z mache, wan ig hüt bi.